Sistema educativo en Finlandia
![]() |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
O sistema educativo finlandés ye considerau como o millor d'os evaluaus por l'informe PISA de 2003. Dito sistema se divide en dos grans tipos de formacions a partir d'os 16 anyos: a formación teorica, que s'imparte en as escuelas segundarias superiors y as universidatz, y a formación profesional, que s'imparte en as escuelas profesionals.
Caracteristicas
[editar | modificar o codigo]O sistema educativo finlandés ye un sistema igualitario: a escolaridat ye obligatoria d'os 7 a os 16 anyos (os alumnos acuden a la escuela local). Ye gratuita a tiempo completo ta os estudiants y ista gratuidat incluye l'asistencia sanitaria y o minchador (con una chenta diaria que debe cubrir arredol d'un tercio d'as necesidaz nutricionals diarias de l'alumno) ta las escuelas primaria y segundaria.
En toda a escuela elemental (peruskoulu) de 7 a 16 anyos, toz os libros y materials escolars son gratuitos y daus por o mesmo centro. Os alumnos que viven luent d'a escuela - a mas de 5 km - pueden pedir o reembolso d'o coste d'o transporte. Os alumnos que tienen dificultaz d'aprendizache podendo tamién beneficiar-se, en o mesmo centro, de l'aduya d'un profesor especialista (eritysopettaja), que puet ir a clase ta guidar-lo u bien treballar con él de traza deseparada.
A partir d'a enquesta internacional PISA sobre os sistemas educativos d'a OCDE, Finlandia recibe regularment as millors calificacions a escala mundial. En 2003 os alumnos finlandeses de 15 anyos figuraban en o primer puesto d'o ranking mundial por lo que fa a competencias lingüisticas y cientificas, y se clasificoron en segunda posición por lo que fa a resolución de problemas. Por lo que fa a os estudios superiors, o Foro Economico Mundial (FEM) situó Finlandia primera en o ranking mundial por lo que fa a numero de matriclas y calidat, y en segundo puesto en l'amostranza d'as matematicas y as ciencias. En os estudios que se fan ta analisar os motivos d'istos buenos resultaus se meteba de relieu l'alto grau de responsabilidat d'os alumnos, l'ausencia d'estrés en un sistema an que no se puet repetir curso y a calidat d'a formación d'os docents.
Ye important considerar que os docents d'o sistema publico son trigaus dreitament por a directiva d'o centro educativo. Isto permite que cada centro pueda creyar os millors equipos de treballo y buscar a os profesors que millor encaixen en o suyo prochecto educativo real. Os fondos que recibe cada centro son proporcionals a o livel de calidat que istos ofreixen.
A reforma d'o sistema educativo finés
[editar | modificar o codigo]Dica primerias de l'anyo 1958, Finlandia teneba un sistema educativo elitista. Se feba una selección a la edat d'once anyos dimpués de nomás cuatro anyos de primaria. Os millors alumnos podeban continar a escolaridat cheneral en primerías en un instituto (mientres 5 anyos) y dimpués, eventualment, con tres anyos en un instituto de bachillerato. A mayoría d'os ninos y ninas seguiban dos anyos suplementarios en a escuela primaria. Dica 1972, a lo menos a metat d'os alumnos no feban estudios segundarios. A mayor parte d'os fillos de familias modestas deixaban a escuela arredol d'os 13 u 14 anyos ta treballar u recibir una formación profesional.
En 1978, dimpués de veinte anyos de vacilación s'acometió la reforma d'o sistema educativo en Finlandia. S'abolió a selección a os 11 anyos. A partir d'alavez s'aculle toz os alumnos en as mesmas instalacions tanto en primaria como en segundaria y dica os 16 anyos y reciben a mesma amostranza elemental. A reforma se metió en practica progresivament seguntes as rechions: Laponia y o extremo norte en 1972, as rechions d'o nord-este en 1973, as d'o noroeste en 1974, as d'o sudeste en 1975, as d'o sud- ueste en 1976 y a rechión de Helsinki en 1977.
Ista progresividat permite estudiar de traza obchectiva os resultaus d'a reforma contimparando o futuro d'una edat tocada por a reforma y aquels d'a mesma edat no tocaus por a reforma educativa. Os analistas han puesto asinas plegar a la conclusión que a reforma ha suposau una reducción d'as desigualdaz en un 25%. Conviene, manimenos, precisar que a sociedat finlandesa, como todas as sociedaz nordicas contemporanias, ye mas igualitaria. As diferencias familiars tienen menos efecto en o futuro d'os ninos que en as sociedaz anglosaixonas an que las reformas de democratización d'a escuela no ha reduciu as desigualdaz socials.
Enlaces externos
[editar | modificar o codigo]- (es) Así consigue Finlandia ser el número 1 en Educación en Europa, 21/12/2012, ABC
- (es) Finlandia, un caso de estudio. Análisis del sistema educativo finlandés
- (en) Ministerio de Educación.